Անթուրիում ծաղկի լեգենդը

641371

Անթուրիումի լեգենդը պատմում է, որ երիտասարդ գեղեցկուհին է վերածվել  այս ծաղկի:

Դա եղել է այն   ժամանակներում, երբ մարդիկ ապրում էին ցեղային միություններով,  իսկ նրանց գլխավորում էր դաժան ու արյունարբու առաջնորդը:

Առաջնորդը որոշել էր կնության վերցնել մի գեղեցկուհու: Գեղեցկուհին մերժում է նրա առաջարկը: Բարկությունից նա հարձակվում է գյուղի վրա, որտեղ ապրում էր գեղեցկուհին, և ուժով բերում նրան իր մոտ:

Հարսանքի օրը տոնական խարույկ են վառում: Երիտասարդ գեղեցկուհին չէր պատկերացնում իր կյանքն արյունարբու առաջնորդի հետ, առանց իր հարազատների: Հարսանեկան կարմիր զգեստով նա նետվում է խարույկի մեջ, բայց աստվածները խնայում են նրան: Դեռ չէր հասցրել ընկնել կրակի մեջ, երբ դառնում է  կարմիր ծաղիկ՝ անթուրիում, այնպես քնքուշ, ինչպիսին  երիտասարդ գեղեցկուհին էր: Աստվածները  ողջ գյուղը  վերածում են  խիտ, անանցանելի անտառի: Յուրաքանչյուր տերևի վրա առաջացած կաթիլը անմխիթար հարազատների արցունքն էր, ովքեր այդպես էլ չհաշտվեցին իրենց դստեր կորստի հետ:

Գեղեցկուհին, ով վերածվել էր անթուրիում ծաղկի, ծաղկում է ամեն տարի՝ ուրախացնելով մարդկանց իր ողջ գեղեցկությամբ:

Ի դեպ, որոշ արևադարձային շրջաններում, այնքան շատ են անթուրիումները, որ աճում են նույնիսկ շենքերի տանիքների վրա՝ փաթաթվելով հեռախոսալարերին, ալեհավաքներին: Այդպես էլ ծաղկում են:

Աղբյուրըՙ  այստեղ:

Ռուսերենից  թարգմանեց  Աստղիկ Ասլանյանը, քոլեջ, նախադպրոցական ուսուցում

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s