Հարյուրամյակներ առաջ մարդիկ չգիտեին՝ ինչ է դրամը: Նրանք պարզապես փոխանակում էին ապրանքները: Բրուտները փոխանակում էին խեցամաններ, դարբինները՝ կացիններ, նետի ծայրապանակներ, երկրագործները՝ հացահատիկ, անասնապահները՝ եզներ, ոչխարներ, դեղագործները՝ դեղաբույսեր:
Բայց այդպիսի փոխանակություն կատարելը բարդ էր, որովհետև իրերն ու մթերքները տարբեր արժեքներ ունեին:
Մարդիկ հայտնագործեցին դրամը: Ամենաառաջին դրամներից էին փափկամորթների խեցիները, որոնք, սակայն, շատ էժան էին:
Պարզվեց, որ ամենհարմարը մետաղե դրամն էր: Կարելի էր հատել ցանկացած արժեքի դրամ, պղնձից՝ էժանները, արծաթից՝ ավելի թանկերը, ոսկուց՝ ամենաթանկերը: Մետաղադրամների վրա դաջում էին թագավորների դիմապատկերներ, պետության զինանշաններ: Բայց մետաղադրամները ծանր էին և հեռավոր ճանփորդության համար վտանգավոր ու անհարմար: Եվ քանի որ մարդը հնարամիտ է, ելքը գտավ. մեծատունները ոսկին հանձնում էին դրամատներին և փոխարենը վերցնում ստացականներ: Այսպես առաջացան թղթադրամները:
Հայաստանում գտնված ամենահին մետաղադրամը մ.թ.ա հինգերորդ դարի է:
Նյութը պատրաստեց Սվետլանա Մանգասարյանը, քոլեջ, գործավար-թարգմանիչ
Արհեստագործ 