«Արհեստագործ» ամսագիրը սկսել է հրատարակվել այս ուսումնական տարվա փետրվար ամսին: Արդեն հրատարակվել է վաթսուներկու հոդված, տեսանյութ և նկարաշար: Ամսագիրն ունի իր պատկերանշանը, որը շարունակ թարմացվում է (հեղինակ՝ Թամար Հարությունյան), ութ բաժին, որոնցում զետեղվել են քոլեջի և արհեստների դպրոցի սովորողների տարատեսակ նյութերը՝ թարգմանություններ, մասնագիտական փոքրիկ բառարաններ, արհեստանոցների աշխատանքը լուսաբանող տեսանյութեր, աշխարհի ժողովուրդների խոհանոցի բաղադրատոմսեր, առած-ասացվածքներ և զրույցներ արհեստների ու աշխատանքի մասին, ինչպես նաև արհեստների պատմությանն ու արհեստագործական գործիքներին և նյութերին վերաբերող հոդվածներ:
Ամսագրում տեղ գտած թարգմանական նյութերը արվում են թե´ ռուսերենից, թե´ անգլերենից: Ես մասնագիտությամբ թարգմանիչ-գործավար եմ և իմ սիրած աշխատանքներից է թարգմանությունը: Մուտքագրել եմ նաև տարբեր նյութեր ամսագրի համար: Ամսագրի աշխատանքներին մասնակցում են քոլեջի և արհեստների դպրոցի մի մեծ խումբ սովորողներ, ում իրենց խորհուրդներով օգնում են քոլեջ արհեստների դպրոցի դասավանդողները: Սովորողներից շատերն արդեն ունեն մեկից ավելի նյութեր: Մենք՝ աշակերտներս ենք ամսագրի էջերում տեղադրում մեր իսկ մուտքագրած, թարգմանած և համացանցից առանձնացրած նյութերը: Դա հետաքրքիր աշխատանք է բոլորիս համար: Ամսագրի աշխատանքները շարունակվում են:
Սվետլանա Մանգասարյան, քոլեջ, թարգմանիչ-գործավար
Արհեստագործ 