Խրախճանական

cover225x225

Փոշեպատառ ճանապարհով դեպի ամրոց էին շարժվում իշխան Կամսարականի՝ թշնամու մեծաթիվ զորքին պարտության մատնած հեծյալների գունդը՝ խրոխտ ու հաղթանակից  ոգևորված: Իշխանը, որ զգոն ու աչալուրջ մարդ էր, ճանփեզրին՝ ամրոցի դարպասների մոտ, նկատեց ալեհեր մի ծերունու՝ մուրացիկների քուրձը հագին: «Ամենուրեք լրտեսներ են վխտում. պետք է պարզել՝ ով է այս մարդը» ,- մտածեց իշխանը և հրամայեց իր մոտ բերել նրան:

— Ո՞վ ես, ի՞նչով ես զբաղվում,- խստահայաց խոժոռադեմ հարցրեց իշխանը:

Ծերունին խորը ակնածանքով գլուխ տվեց ու ասաց, որ ինքը տաղասաց է, երգում է խնջույքներում. նաև  հետաքրքրաշարժ խնդիրներ, հանելուկներ ու խրախճանականներ է առաջարկում մարդկանց: Այ,  օրինակ, իշխանը կարող է ասել՝ ինչպես եղավ, որ ջրաղացպանն ու իր աղջիկը, քահանան ու կինը թխեցին երեք բաղարջ, սակայն յուրաքանչյուրին հասավ մեկ ամբողջական բաղարջ:

— Ջրաղացպանի աղջիկը քահանայի կինն էր, — ինքնավստահ պատասխանեց իշխանը, ապա շարունակեց, որ ինքն ավելի խրթին խրախճանական կարող է առաջարկել. ճիշտ պատասխանելու դեպքում նա՝ ծերունին, նոր հագուստ ու ձի կստանա:

Ծերուկը գլխով արեց.

— Համաձայն եմ:

— Առաջին անգամ ջախջախել եմ թշնամու զորքի կեսը, երկրորդ անգամ՝ քառորդը, երրորդ հարձակաման ժամանակ՝ տասնմեկերորդ մասը: Մնացած երկու հարյուր ութսուն զինվորը մազապուրծ ճողոպրել են,- քննախույզ հայացքը դեպի ծերունին՝ փոքր-ինչ հապաղեց իշխանը:  -Որքան է թշնամու ընդհանուր թվաքանակը: Նույն օրը իմաստուն ծերունին, մի բոցավառ աշխետ հեծած ու շքեղ հանդերձավորված, հեռացավ ամրոցից:

Նյութը պատրաստեց Սվետլանա Մանգասարյանը, քոլեջ,  թարգմանիչ-գործավար

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s