Փիրուզ

turquoise

Փիրուզը (ացտեկական քար, արևելքի քար, երկնային քար) ամենայուրօրինակ թանկարժեք քարերի շարքին է դասվում: Փիրուզը մարդկությանը հայտնի է շատ վաղուց՝ ավելի քանի 5000 տարի առաջ: Տարբեր ժողովուրդների մոտ այս քարը տարբեր նշանակություն ունի, անգամ միմյանցից հակադիր:

«Փիրուզ» բառը պարսկական ծագում ունի, նշանակում է «երջանկության քար», իսկ մեկ այլ մեկնաբանությամբ այն նշանակում է «հաղթանակի քար»: Մեկ ուրիշ տեսակետի համաձայն՝ «փիրուզ»  բառն ասորական ծագում ունի: Այլ ժողովուրդների մոտ փիրուզը հայտնի է եղել այլ անուններով: Հնդկացի-ացտեկները շատ բարձր են գնահատել այս քարը և այն կարծիքին են եղել, որ դրանք երկնային աստվածուհու արցունքներն են  (հենց այս պատճառով փիրուզը երբեմն անվանում են ացտեկական քար): Ֆրանսիացիները փիրուզն անվանում են «թուրքական քար»:

Հին Պարսակաստանում կարծում էին, որ փիրուզը այն մարդկանց ոսկորներն են, ովքեր մահացել են հանուն սիրո: Այստեղ փիրուզը համարվել է  սիրո թալիսման: Ացտեկների մոտ նույնպես փիրուզը համարվել է սիրո քար, բայց բացի այդ համարվել է նաև առողջության և բարգավաճման քար: Մեքսիկայի հնդկացիների  կարծիքով  փիրուզը պատերազմի խորհրդանիշ է:

Փիրուզը կարող է լինել երկնագույնից մինչև կանաչավուն: Հետաքրքիր է, որ երկնագույն փիրուզը համարվում է «երիտասարդ», իսկ կանաչ գույն ունեցող փիրուզը`«ծեր» քար:

Հին ժամանկներում փիրուզը համարվել է բավականին թանկարժեք քար: Շատ հաճախ այս քարից պատրաստել են զարդեր, ինչպես նաև թալիսմաններ և սրբազան կենդանիների պատկերներ:  Եգիպտոսում փիրուզից պատրաստել են պատկերներ, որոնք համարվել են համերաշխության խորհրդանիշ: Հնդկացիները փիրուզից պատրաստել են կենդանիների պատկերներ, այն օգտագործել են ծիսակարգային դիմակների պատրաստման մեջ:   Արևելքում նույնպես փիրուզը շատ է գնահատվել. դրանից պատրաստել են զարդեր, թալիսմաններ և ամուլետներ:

Այժմ փիրուզն այնքան թանկ չէ, որքան հին ժամանակներում: Իհարկե, արդեն վաղուց մշակվել են փիրուզը կրկնօրինակելու տեխնոլոգիաներ: Եվ հենց այս պատճառով որոշակիորեն փոխվել է մարդկանց վերաբերմունքն այս քարի նկատմամբ:

Ամենագեղեցիկը համարվում է այն փիրուզը, որն աճում է  Խորասանում (Իրանում): Փիրուզի միակ բացասական կողմն այն է, որ ժամանակի ընթացքում նրա գույնը կարող է փոխվել, խամրել` հատկապես օճառի, սպիրտի և քսուքների հաճախակի օգտագործման պարագայում:

Կարևոր է այն, որ այս քարն ունի հետաքիքիր մոգական և բժշկական հատկություններ: Ասում են, որ փիրուզն իր տիրոջը ֆինանսական հաջողություններ է բերում: Կա նաև կարծիք, որ փիրուզը ուժեղ մարդկանց համար է, ովքեր չեն վախենում ռիսկի դիմելուց և հակված են հաղթանակ տոնելու բոլոր նոր գործերում:

Այս քարի բժշկական հատկություններից կարևոր է իմանալ, որ այն թեթևացնում է գլխացավը, վերականգնում է թույլ տեսողությունը և ձերբազատում է անքուն գիշերներից:

Աղբյուրը՝ համացանց:

Նյութը պատրաստեց Աստղիկ Ասլանյանը, քոլեջ, նախադպրոցական ուսուցում:

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s