Առաջին կարգի, թափանցիկ, վառ կանաչ գույնի թանկարժեք քար է: Ադամանդից հետո ամենահինն է: Զմրուխտի գիտական անվանումը էմերալդ է: Զմրուխտի հանքեր կան Սուդանում, Մարոկոյում, Եգիպտոսում և Հնդկաստանում, իսկ զմրուխտի ամենամեծ հանքերը գտնվում են Կոլումբիայում: Զմրուխտի կանաչ գույնը տարբերվում է քարի տարբեր մասերում: Քարի վրա բազմաթիվ բյուրեղներ կան, որոնք օգնում են բնական քարն արհեստականից տարբերել: Ամենաընտիր զմրուխտ քարերը մուգ կանաչագույն բյուրեղներ ունեն, որոնք ավելի թանկարժեք են ավելի բաց գույնով թափանցիկ բյուրեղներից:
Հնում զմրուխտը համարվել է ճշմարտության քար ՝ քար-մարգարե։ Մոգերն ու ալքիմիկոսները զմրուխտը գցում էին ջրի մեջ և գուշակում ապագան։ Զմրուխտը՝ եգիպտական թագուհի Կլեոպատրայի սիրելի քարը, մինչ այսօր էլ հմայում է իր յուրօրինակ և գայթակղիչ կանաչ երանգով: Զմրուխտը նաև Ներոնի սիրելի քարն էր։ Ներոնը հաճախ էր նայում այդ քարին ` հավատալով, որ այն հանգստացնում է նյարդերը, ազատում սև մտքերի ճնշումից և ճարտասանություն պարգևում։ Զմրուխտի գեղեցիկ, կանաչ գույնը հանգստացնում է աչքերը, ինքնավստահության ներշնչում, հոգեկան ներդաշնակություն, կռահողականություն և նրբազգացություն պարգևում։ Նախնիները համոզված էին, որ եթե օձի աչքերի մոտ զմրուխտ քար պահենք, օձը կկուրանա: Նրանք հավատացած էին, որ քարն իր տիրոջը տալիս է հավասարակշիռ բնավորություն: Ավելացնում է նրա հարստությունը, կանխում է հիվանդությունները և հոգեբանորեն խաղաղություն ու անդորր է պարգևում: Զմրուխտը լի է էներգիայով և բազմաթիվ հատկություններ ունի: Նա օգտակար է էպիլեպսիան կանխելու համար: Օժտված է նաև այլ բուժիչ հատկություններով: Մարդու որովայնի վրա գտնվող էներգետիկ կենտրոնի վրա զմրուխտ քար դնելու դեպքում մաքրվում ու ակտիվանում է լեղապարկը, բարելավվում է ստամքսի աշխատանքը, բուժվում է ստամոքի խոցը: Ջերմորեն սիրող մարդու մատին զմրուխտը մգանում և ձեռք է բերում ավելի հարուստ գույն։
Աղբյուրը՝ համացանց:
Նյութը պատրաստեց Հարություն Բեգլարյանը, արհեստների դպրոց, ոսկերիչ
Արհեստագործ 