Առջևում մայիսյան 11-րդ հավաքն է` լավ առիթ «Արհեստագործ» ամսագրի մեկ տարվա աշխատանքներն ամփոփելու համար: Անցյալ տարի մենք ներկայացանք մեր մի քանի ամսվա աշխատանքով, և մայիսյան հավաքին «Արհեստագործ» ամսագիրն ամփոփեց իր արդյունքները: Այսօր մայիսից մայիս ընկած մեկամյա մեր գործունեության արդյունքում ամսագիրն ունի 104 հրապարակում, որ տեղ է գտել ամսագրի ութ բաժիններում: Տեղ գտած նյութերը բազմազան են ու տարաբնույթ. դրանք թարգմանություններ են, մասնագիտական փոքրիկ բառարաններ, արհեստանոցների աշխատանքը լուսաբանող տեսանյութեր, աշխարհի ժողովուրդների խոհանոցի բաղադրատոմսեր, առած-ասացվածքներ և զրույցներ արհեստների ու աշխատանքի մասին, ինչպես նաև արհեստների պատմությանն ու արհեստագործական գործիքներին և նյութերին վերաբերող հոդվածներ:
- Մասնագիտական բառարաններ — 6 թողարկում
- Տեսանյութեր և ֆոտոշարքեր -18
- Աշխարհի ժողովուրդների խոհանոց — 33
- Առածանի — 11
- Արհեստների պատմությունից — 21
- Զրուցարան — 24
- Իմ մասնագիտությունը — 39
- Խճանկար կամ ոչ միայն արհեստ -31
Ամսագրի աշխատանքներին մասնակցում են քոլեջի և ավագ դպրոցի մի մեծ խումբ սովորողներ, ովքեր գտնում, մուտքագրում, թարգմանում են նյութերը, ապա տեղադրում ամսագրի էջերում: Իհարկե, այդ աշխատանքները նախապես խմբագրվում են, սրբագրվում: Ամսագրի էջերում ես էլ հանդես եմ եկել թարգմանություններով ու այլ նյութերով:
Անուշիկ Աղաջանյան, քոլեջ, թարգմանիչ — գործավար
Արհեստագործ 