Ճապոնիայում աղջիկ է ապրում, որը կիսով չափ մարդ է, կիսով չափ՝ տիկնիկ

d25ff2d072e179c49ec0568d914a32d9

Լուլու Հաշիմոտոն մոդել և համացանցային հայտնություն է Ճապոնիայից, ում կոչել են «մարդկային տիկնիկ»: Եվ ոչ անտեղի. նկարում դուք նրան չեք տարբերի ճենապակյա արձանիկից: Այնուամենայնիվ նա ռոբոտ չէ, այլ մարդ, բայց աղջկա իրական դեմքը ոչ ոք չի տեսել: Լուլուն արտասովոր մոդել է, ով պահում է իր կերպարը հատուկ հագուստի միջոցով, որը տիկնիկի մարմին է հիշեցնում՝ դիմակով, կեղծամով և հաճելի զգեստով: Հարցազրույցի ժամանակ նա նույնիսկ հաղորդավարի ականջին շշնջում է պատասխանները, չէ՞ որ տիկնիկները սովորաբար չեն խոսում:

Դիզայներ Հիտոմի Կոմակին՝ Լուլուի պրոդյուսերն ու հագուստի ստեղծողը, պատմում է, որ «կենդանի տիկնիկը» իր և Նոկոպանի ստեղծագործական թիմի միասնական աշխատանքի արդյունքն է: Նրանք պատրաստում են տիկնիկների հագուստներ և գլխի դիմակներ, որոնք դիզայներին շատ են դուր եկել, և նա առաջարկել է նրանց՝ միասին աշխատել «տիկնիկի մոդելի» վրա:  Փորձն այնքան հաջողվեց, որ Լուլուն դարձավ համացանցային հայտնություն:

Գոյություն ունի Լուլուի միայն մեկ հագուստ, բայց այն կրել են մի քանի մարդիկ: Նրանց մեջ են մտնում դիզայներներ, պարողներ, մոդելներ: Պրոդյուսերի խոսքերով մարդու ինքնությունը, որը ներկա պահին Լուլուի կերպարի մասն է կազմում, գաղտնի է պահվում: Դա չի խանգարում կերպարին շատ ուշադրություն հրավիրել դեպի իրեն. փողոցներում և ցուցահանդեսներում աղջկան շատ մարդիկ են մոտենում նկարվելու խնդրանքով, և նա միշտ ուրախ է լինում կեցվածք ընդունել: Չնայած Լուլուն նման չէ սովորական աղջկա, այնուամենայնիվ նա ունի սովորական մարդկային հետաքրքրություններ և բնավորություն: Երազկոտ և մի փոքր մելանխոլիկ է, միշտ ուզեցել է դառնալ մոդել, բայց նաև սիրում է գրքեր կարդալ և բալետով զբաղվել:

Ինչպես ցանկացած աղջիկ, Լուլուն փոխում է հագուստները, մազերի գույնը և սանրվածքները, բայց նա նաև ի վիճակի է փոխել իր հասակը: Եվ բոլորովին էլ ոչ բարձր կրունկների շնորհիվ, նրա հասակը կախված է տիկնիկի գլխի չափսից: Այդպիսով Լուլուն ճապոնական միս ID մրցույթի կիսաեզրափակիչներից մեկն է: Ինչպես ասում են կազմակերպիչները, դա այն աղջիկների համար է, ովքեր արժանի են նկատված լինելու նոր դարաշրջանում: Մրցույթին մասնակցում են ոչ միայն մարդիկ, այլ նաև կերպարներ, որոնք ստեղծված են արհեստական ինտելեկտի և 3d գրաֆիկայի օգնությամբ: Համաձայնեք, որ Լուլուն  լիովին ընդգրկվում է այդպիսի ֆուտուրիստական մրցույթի կոնցեպցիայում:

Հիմա արդեն ոչ ոքի չի զարմացնում, որ վիրտուալ մոդելները դառնում են կոսմետիկական բրենդերի դեմքեր, սակայն «կենդանի տիկնիկը» դեռ առաջինն է իր տեսակի մեջ:

Հնարավոր է, Լուլուի անձը ընդամենը նոր մակարդակի քոսփլեյ է, բայց մարդիկ, ովքեր չեն վախենում այդպիսի արտասովոր ձևերով ինքնաարտահայտվելուց, մեր աշխարհը դարձնում են ավելի հետաքրքիր:

Ինչպե՞ս եք կարծում, արդյո՞ք Լուլու Հաշիմոտոյին կհաջողվի մոդայի աշխարհում նոր առաջընթացի սկիզբ դնել:

Աղբյուրը՝ այստեղ:   

Թարգմանությունը՝ Հռիփսիմե Պետրոսյանի, Քոլեջ,  3-րդ կուրս

 

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s