Ցանկացած աղջկա համար հոնքերը կարևոր տեղ են զբաղեցնում: Հոնքերի շնորհիվ կարելի է ընդգծել բնական գեղեցկությունը, դեմքը դարձնել ավելի արտահայտիչ կամ ամբողջությամբ փչացնել արտաքին տեսքը: Այսօր կուսումնասիրենք, թե գեղեցկության ինչ էվոլյուցիա են անցել հոնքերը, թե ինչ նյութեր են նախկինում օգտագործել հոնքերի ձևավորման համար, ինչպիսի հոնքերն են նորաձև այսօր և ինչպես է դրանք պետք ընդգծել:
Հոնքերի ձևավորումը Եգիպտոսում
Գեղեցկության մեր ճամփորդության առաջին կանգառը կլինի Հին Եգիպտոսը: Նորաձևության նոր տենդենցի հեղինակը Կլեոպատրան էր: Հին աշխարհի գեղեցկուհին պատմաբանների և հնէաբանների եզրակացմամբ ուներ լայն հաստ հոնքեր: Հոնքերի հաստացման համար նա օգտագործում էր սև ածխածնային և օքսիդային ներկ: Առավել նորաձև եգիպտուհիները կրում էին հոնքերի կամարաձև կամ երկարացրած տեսակը: Որպես այլընտրանքային բնական ներկ այդ ժամանակ մեծ տարածում ուներ ներկումը հինայով: Ներկում էին ոչ միայն հոնքերը, մազերը, այլ նաև եղունգները:
Հոնքերի ձևավորումը Հին Հունաստանում և Հին Հռոմում
ՀԻն Հունաստանում և Հռոմում հակառակը՝ գլխավոր միտումը առավելապես բնական հոնքերն էին`ներկած բնական նյութերով: Ամուսնացած կանայք ձեռք չէին տալիս իրենց հոնքերին, իսկ չամուսնացածները ներկում էին սև խունկով կամ ներկով այծի կաթի ու ծառերի խեժից պատրաստված ներկով: Հույն և հռոմեացի կանայք չէին շտկում հոնքերը և ամենաարդիականը համարվում էր թավ «միահոնքը»:
Հոնքերի ձևավորումը միջնադարում
Միջնադարյան ճապոնիայում գեյշաների մշակույթի ժամանակ ամենաարդիականը սեփական հոնքերի սափրումն էր և դրանց փոխարեն ճակատին բարձր գծեր գծելը: Միջին դարերի Եվրոպայում նույնպես միտումը բարակ հոնքերն էին: Այդ ժամանակ նորաձևության մեջ էր լայն ճակատը, ուստի կանայք հոնքերը հանում էին ամենաբարակ ժապավենի չափով, որպեսզի դրանք տեսանելի չլինեն: Անգլիայում Ելիզավետա 1-ինի տիրակալության ժամանակ ամբողջ մայրցամաքում կանայք ընդօրինակում էին կարմրավուն մազերով թագուհուն և գործնականորեն ներկում էին հոնքերը հինայով:
Հոնքերի ձևավորումը 20-րդ դարում
19 -րդ դարի վերջում հաստ հոնքերը նորից նորաձև էին: Կանայք սկսում են համառորեն հաստացնել բնական հոնքերը, իսկ ոմանք նույնիսկ ամրացնում էին արհեստական հոնքեր, որոնք պատրաստված էին կենդանիների մորթուց: 20-րդ դարի 20-ական թվականներին ակտիվ զարգանում է կինոմատոգրաֆիան: Համր ֆիլմի դերասանուհիները ունեին բարակ երկարավուն հոնքեր: Նրանք սափրում էին իրենց հոնքերը և դրանց տեղում նկարում բարակ գիծ: Հոնքերի համար ամենապահանջարկ ունեցող ապրանքը այդ ժամանակ ածխի փոշու և նոր հայտնված Maybelline ընկերության արտադրած վազելինի խառնուրդն էր:
Հոնքերի ձևավորումը 40-50 ական թվականներին
40-ական թվականներին բարակ հոնքերի նորաձևությունը պահպանվում է, բայց նրանք ստանում էին կամարանման ձև: Հաստ բնական հոնքերի նորաձևությունը վերադարձավ 50-ական թվականներին: Հուլիվուդյան գեղեցկուհիները՝ Էլիզաբեթ Թեյլորը, Մելրին Մոնրոն, Օդրի Հեփբյորնը ընդգծում էին լայն ճակատը և բաց դեմքը, ու շեշտում էին իրենց գեղեցկությունը խնամված լայն, թեքված հոնքերով:
Հոնքերի ձևավորումը 70-90-ական թվականներին
Հոնքերի գեղեցկության զարգացման հաջորդ էվոլյուցիոն ճյուղը վերաբերում է հիպիների ժամանակաշրջանին: 70-ական թվականներին նորաձև էր աճեցնել հոնքերը և թողնել դրանք իրենց սկզբնական տեսքով: 80-ական թվականներին շարունակվում էր այդ միտումը, բայց նորաձևության մեջ են մտնում մատիտով ձևավորված, հոնքերը` որքան ցայտուն, այնքան լավ: Այդպիսի հոնքերի վառ օրինակ էին երգչուհի Մադոննան և դերասանուհի Բրուկ Շիլդսը: 90-ական թվականներին առաջացավ հոնքերի գեղեցկության նոր ստանդարտ` լավ հանված հոնքեր նոսրացված արտաքին եզրում:
Ժամանակակից միտումներ
Շրջադարձային կետ դարձավ Կարա Դելովինի հայտնվելը: Նա նորաձևություն վերադարձրեց բնական, առավելապես խիտ հոնքերը: Կոսմետիկական արդյունաբերությունը այդպիսի հոնքերի հանրաճանաչության պատճառով վաճառքի հանեց բազմաթիվ արտադրատեսակներ, որոնք օգնում էին դարձնել հոնքերը առավել վառ և հաստ: Այսօր հոնքերի ձևավորման գլխավոր միտումներն են կոկիկությունը, խնամքը, իսկ գլխավորը` բնականությունը: Հոնքերի նորաձևությունը բազմազանությունն է` հոնքերի հարմար ձևը ընտրվում է դեմքի ձևին համապատասխան:
Աղբյուրը՝ այստեղ։
Թարգմանությունը՝ Անի Հարությունյանի, Քոլեջի շրջանավարտ
Արհեստագործ 