Օլիմպիական խաղերի համառոտ պատմությունից

Օլիմպիական խաղերը սկսվել են հազարավոր տարիներ առաջ Հին Հունաստանում։ Հունական քաղաք-պետությունները հնում մարզիկներ էին ուղարկում միմյանց դեմ մրցելու՝ քաղաքի և նրա բնակիչների անունից: Այս հնագույն խաղերն օգնեցին քաղաքների միջև խաղաղություն հաստատելուն՝ մարդկանց ընկերական մրցումների համար հավաքելով:

Ժամանակակից օլիմպիական խաղերը սկսվել են 1896 թվականին, բայց առաջինը շատ տարբերվում էր մեր այսօրվա օլիմպիական խաղերից: Աթենքում անցկացված առաջին այդ խաղերին մասնակցել էին ընդամենը 14 երկիր և 176 մարզիկներ, բոլորն էլ տղամարդիկ։ Այնուամենայնիվ, օլիմպիական խաղերը հաջողությամբ պսակվեցին և նպաստեցին երկրների միջև համագործակցության բարելավմանը: Ընդամենը չորս տարի անց կանայք մասնակցեցին 1900 թվականի օլիմպիական խաղերին Փարիզում:

Ժամանակի ընթացքում օլիմպիական խաղերն ավելի հայտնի դարձան, և ավելի շատ երկրներ սկսեցին մրցակիցներ ուղարկել: 1924 թվականին մեկնարկեցին ձմեռային օլիմպիական խաղերը։ Առաջին ձմեռային օլիմպիական խաղերը հյուրընկալվել են Ֆրանսիայի Շամոնի քաղաքում։ Մասնակցել են ընդամենը 16 երկիր և 258 մարզիկներ, որոնք մասնակցել են ընդամենը 16 տարբեր մրցաշարերի: Այնուամենայնիվ, ինչպես ամառային օլիմպիական խաղերը, ձմեռային խաղերը նույնպես աստիճանաբար ավելի հայտնի դարձան։

Երկրորդ համաշխարհային պատերազմից հետո օլիմպիական խաղերը դարձան սառը պատերազմի կարևոր մասը և կենսական նշանակություն ունեցան համաշխարհային խաղաղության պահպանման համար։ Սառը պատերազմի ժամանակ աշխարհը բաժանված էր կոմունիզմի և կապիտալիզմի միջև, որտեղ Խորհրդային Միությունը և Միացյալ Նահանգները ինտենսիվ մրցում էին միմյանց հետ: Օլիմպիական խաղերը այս երկու ազգերի մրցակցության հիմնական ուղիներից մեկն էին:

Միևնույն ժամանակ բազմաթիվ նոր ազգեր էին գոյանում։ Ֆրանսիայի, Միացյալ Թագավորության և այլ երկրների գաղութային կայսրությունների փլուզման պայմաններում նոր երկրներ հիմնադրվեցին: Այս երկրներից շատերը ցանկանում էին իրենց դրսևորել աշխարհում, և օլիմպիական խաղերը դա անելու ճանապարհներից մեկն էին: Համեստ սկզբից օլիմպիական խաղերը վերածվել են երկրի ամենահիասքանչ խաղերի։ Փաստորեն, Ռիոյի օլիմպիական խաղերում 205 երկիր և ավելի քան 10,000 մարզիկներ մրցեցին 302 առանձին մրցաձևերում: Ավելին՝ թեև օլիմպիական խաղերը հիմնականում հյուրընկալվել են զարգացած երկրների կողմից իրենց ժամանակակից պատմության մեծ մասի ընթացքում, վերջին խաղերը հյուրընկալվել են զարգացող երկրներում, ինչպիսիք են Բրազիլիան և Չինաստանը:

Շատ ապագա և ապագա երկրներ այժմ օլիմպիական խաղերը դիտարկում են որպես աշխարհին իրենց բարգավաճման մասին հայտարարելու միջոց: Ներկայումս Միացյալ Նահանգները գերիշխում է համաշխարհային ասպարեզում և վերջին մի քանի տասնամյակների ընթացքում գրեթե ամեն ամառային օլիմպիական խաղերում ամենաշատ մեդալներն է տուն բերել: 2008-ին Պեկինի օլիմպիական խաղերի ժամանակ Չինաստանը մոտ էր ամենաշատ մեդալները տուն տանելուն, բայց չկարողացավ հաղթել Միացյալ Նահանգներին: 

Աղբյուրը՝ այստեղ։

Թարգմանությունը անգլերենից՝ Սիմոն Ավետիսյանի, Քոլեջ, 2-րդ կուրս