Մի օր մի մարդ փողոցով քայլելիս տեսավ ճանապարհի եզրին նստած մի ծերունու:
— Ծերուկ, դու իմաստուն ես, ասա՛ ինձ, ես ջահել և ուժեղ տղամարդ եմ, բայց ոչ մի տեղ չեմ կարողանում աշխատանք գտնել, տղաս պարապ-սարապ ման է գալիս, աղջիկս թափառում է, իսկ կինս տան հոգսերով չի զբաղվում: Ինչպե՞ս ամեն ինչ փոխեմ դեպի լավը:
Ծերունին պատասխանում է.
-Քո դռան վրա մի ցուցանա՛կ կախիր և վրան գրի՛ր. «Այդպես միշտ չի լինի»:
Որոշ ժամանակ անց նրա որդին գտավ իր գործը, դուստրն ամուսնացավ և դարձավ լավ կին, իսկ իր հոգատար կնոջից նա շատ գոհ մնաց, ինքն էլ լավ աշխատանք գտավ: Մի օր, իր մեքենան վարելով, ճանապարհին հանկարծ հանդիպեց այն ծերունուն:
-Դե, ծերուկ, դեռ նստած ես: Իմ գործերը դեպի լավն է գնում: Իսկ հիմա ի՞նչ խորհուրդ կտաս ինձ:
Ծերուկը նայեց նրան ու ասաց.
-Այն ցուցանակը․․․, երբեք չհանես այն:
Աղբյուրը՝ այստեղ։
Թարգմանությունը ռուսերենից՝ Էրիկ Սմբատյանի, Քոլեջ, 1-ի կուրս
Արհեստագործ 