Հարիսան` հայկական ազգային կերակուր

harisa

Հարիսան նախկինում համարվել է ծիսատոնական կերակուր: Պատրաստել են հանդիսավոր օրերի, հարսանիքների և ժողովրդական տոների ժամանակ: Կճուճի մեջ  թոնրում ողջ գիշեր եփելուց հետո կերել են մեծ մասամբ կիրակի առավոտյան: Ուտելիս վրան լցրել են հալած յուղ:

Պաս օրերին մսի փոխարեն օգտագործել են բանջար: Ընդհանրապես, կավեղեն, խեցեղեն սպասքի մեջ պատրաստվող բոլոր կերակրատեսակները հայկական ծագում ունեն:

Ծիսական հարիսայի հետ հաղորդակցվել են տան բոլոր անդամները, ընդհուպ մինչև նորածինները: Տանտիկինը հարիսայի յուղից քսում էր նորածնի շուրթերին` որպես պարտադիր հաղորդակցություն սրբազան ուտեստի: Ընդ որում` հոգեպես անմաքուր, մեղավոր մարդն իրավունք չուներ ուտելու հարիսան:

Տոների ժամանակ պատրաստվող ցանկացած կերակուր համեմվում  էր հմայածիսական արարողություններով, առանձին ուտեստների, օրինակ` ծիսական կերակուրի` հարիսայի պատրաստման ժամանակ տղամարդիկ  պարում էին ծիսական հատուկ պար:

Տոմարային ծիսաշարը պարտադիր գործողությունների շարք է, որի նպատակն է կապել մարդու և մարդկային խմբի կյանքը տիեզերական երևույթների հետ: Վարդավառից հետո տոմարային երգերին փոխարինելու են գալիս աշխատանքային երգերը` ծիսական հորովելները, որոնք ուղեկցում էին աշնանացանին: Եվ միայն նոյեմբերինՙ  նախրաթողից և բերքահավաքից հետո, մի պահ նորից ուրախ տոն էր տիրում: Տոնական ուտեստը այդ տարվա բերքի երախայրիք կորկոտ-ձավարով, աքլորով հարիսան էր:

Մայրիկիս   հարիսան

Բաղադրությունը.

1կգ.  հավի միս,  1կգ.  կորկոտ ,  յուղը ,  աղը , սև պղպեղը  ըստ  ճաշակի:

Պատրաստման  եղանակը.

Պատրաստի  հավը  խաշել,  անջատել  ոսկերներից  ու  կտրատել: Եռացող  արգանակի  մեջ  լցնել  նախապես  թրջած  կորկոտ,  ավելացնել  մսի  կտորները  և  շարունակել  եփել  թույլ  կրակի  վրա:

Հենց  շիլան  սկսի  թանձրանալ,  խառնաթիով  խփել  և  շարունակել  եփել  այնքան, մինչև  ամբողջը  դառնա  միատարր  պինդ  զանգված,  որից  հետո  աղ  անել  և  խառնել: Հարիսան  մատուցել  ափսեով:  Առանձին  մատուցել  սև պղպեղ, հալած  յուղ:

Ուտեստը  կարելի  է  պատրաստել  նաև  հնդկահավի  ու  ոչխարի  մսով:

Նյութը  պատրաստեց Արթուր  Մելքոնյանը, արհեստների  դպրոց, խոհարար

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s