Մարտի 8-ից և այլ տոներից հետո տունը հաճախ նմանվում է ծաղկաթմբերի, և այդ գեղեցկությունը ցանկալի է պաhպանել որքան հնարավոր է երկար: Մենք ձեզ համար հավաքել ենք մի քանի պրակտիկ խորամանկություններ, որոնք կօգնեն ծաղիկները երկար պահել ծաղկամանում, և որ ձեր ուրախությունը միայն մի օր չտևի:
Ենթադրվում է, որ ճիշտ խնամքը կախված է նրանից, թե որ ծաղկի մասին է խոսքը: Այսպիսով, բոլորի համար միակ ճիշտ պայմանը թարմ ծաղիկներ ընտրելն է: Որպեսզի համոզվենք դրանում, ուշադիր լինենք ցողունի ստորին կտրվածքին, նրանք պետք է լինեն թարմ ու կանաչ, այլ ոչ թե գորշ, իսկ տերևների ծայրերը չպետք է չորացած լինեն: Եթե տերևները կտրված են, իսկ ծաղկի ցողունները շատ կարճ են, դա արդեն նշանն է ,որ ծաղկեփունջը երկար է մնացել խանութի ցուցափեղկին:
Երբ գեղեցիկ խոսքերն ասված են, իսկ ցանկալի ծաղկեփունջը ընծայված, որպեսզի կարողանանք երկար այն պահել, անհրաաժեշտ է փուլ առա փուլ գործել: Բացի այդ, եթե, իրոք, գնահատում եք ծաղկի գեղեցկությունը, այլ ոչ թե նվերի փաթեթավորումը, հիշեք որ ծաղիկները ծաղկամանում չպետք է փաթեթավորված մնան, դա ավելորդություն է:
Մի շտապեք միանգամից հանել ծաղկի փաթեթավորումը, ծաղիկներին տվեք մի քիչ ժամանակ հարմարվելու համար` սկզբում բացելով ցողունները:
Հիշեցում. խուսափեք ջերմաստիճանի կտրուկ փոփոխություններից: Եթե փողոցում ցուրտ է, ցանկալի է ինչ-որ ժամանակ ծաղիկները պահպանել զով միջավայրում. շքամուտքում, պատշգամբում և այլ տեղեր:
Ծաղկամանի մեջ ծաղիկների տեղավորումը նրանց համար կարևոր փուլ է համարվում: Հեռացրեք փաթեթավորումը, ավելորդ բոլոր տերևները մինչև ջրին հասնելը, այլապես դրանք շուտով կարող են փտել: Հատկապես դա կարևոր է զգայուն ծաղիկների, օրինակ՝ կակաչի համար:
Ծաղկի ցողունները պարտադիր պետք է կտրել՝ սուր դանակով, թեք գծով, այլ ոչ թե մկրատով այնպես, որ այդ ընթացքում նրանք լինեն ջրի մեջ: Վարդերի դեպքում հեռացնում են նաև փշերը:
Հիշեցում. ցողունները կտրում են հոսող ջրի տակ, որպեսզի օդի պղպջակները հետո չխանգարեն ցողունի միջով ջրի ներթափանցմանը:
Եթե ցանկանում եք ծաղիկները պահպանվեն որքան հնարավոր է երկար, մի դրեք միանգամից ծաղկամանի մեջ, այլ մոտավորապես մի կես ժամ ընկղմեք նրանց սենյակային ջերմաստիճանի մաքուր ջրի մեջ:
Աղբյուրը` http://www.diy.ru/post/8118/
Թարգմանությունը Անի Հովհաննիսյանի, քոլեջ, 2-րդ կուրս