Այսօր ես ու մեր դասարանի Վահեն պատվելի Թամարի հանձնարարությամբ հայերենի դասին գնացել էինք մեր բրուտանոց` ընկեր Մովսեսից հարցազրույց վերցնելու: Հարցերը որոշել էի նախորդ օրը: Ընկեր Մովսեսը սպասում էր մեզ: Ես հարցերն էի տալիս, իսկ Վահեն ձայնագրում էր ընկեր Մովսեսի պատասխանները: Ահա այդ հարցազրույցը:
-Ինչո°ւ եք ընտրել բրուտագործի մասնագիտությունը։
— Շատ փոքր տարիքում առաջին անգամ եղա բրուտագործի արհեստանոցում։ Ինձ գրավեց այդ արհեստը, կավի հետ գործ ունենալը:
Ի°նչ է հարկավոր բրուտագործ դառնալու համար:
— Ցանկացած մասնագետ դառնալու համար պիտի սիրես ընտրած մասնագիտությունդ: Բրուտագործ դառնալու համար էլ հարկավոր է ուղղակի ցանկություն և սեր այդ արհեստի նկատմամբ:
Ասում են` արհեստավորը մինչև կեսօր է սոված մնում։Դուք կարողանո°ւմ էք Ձեր աշխատանքով Ձեր ընտանիքը պահել։
— Աշխատանքով կարողանում եմ պահել ընտանիքս, իսկ ինչ վերաբերում է սոված մնալուն, չեմ կարող ասել, դեռ նման բան չի պատահել։
Հարցազրույցը վարեցին Վահե Միրզոյանը և Դիանա Հարությունյանը, 12-րդ դասարան:
Արհեստագործ 