Մեր թաղամասում` ‹‹Մխիթար Սեբաստացի›› կրթահամալիրի դիմաց գտնվող բարձրահարկ շենքի առաջին հարկում, կա մի փոքրիկ վարսահարդարման սրահ: Հենց այդ սրահն էլ այցելեցինք մենք` սրահի վարպետ վարսահարդարի հետ ծանոթանալու և հարցազրույց վարելու նպատակով: Ձեզ ենք ներկայացնում այդ հարցազրույցը:
—Ներկայացե՛ք խնդրեմ:
— Լիլիթ Սարգսյան` վարսահարդար, սովորել և ավարտել եմ ‹‹Մխիթար Սեբաստացի›› կրթահամալիրը շատ վաղուց` 1998 թվականին:
—Ինչպե°ս դարձաք վարսահարդար:
-Դժվարանում եմ հիշել, որովհետև իմ ընտրած առաջին մասնագիտությունը վարսահարդարությունը չի եղել:
— Իսկ ի°նչ մասնագիտություն էիք ընտրել ամենասկզբից:
-Բուժքույր եմ եղել, սովորում էի բժշկական ուսումնարանում, պատրաստվում էի որպես բուժքույր աշխատել:
—Իսկ ինչու° որոշեցիք բուժքրոջ մասնագիտությունը փոխարինել վարսահարդարի մասնագիտությամբ։
-Պրակտիկայի ժամանակ հիասթափվեցի այդ մասնագիտությունից և ավարտելուց հետո որոշեցի ձեռք բերել երկրորդ մասնագիտություն։ Ինչպես տեսնում եք, մինչև հիմա հավատարիմ եմ իմ ընտրած երկրորդ մասնագիտությունը:
—Հավանաբար այս տարածքը վարձույթով եք վերցրել: Այո՞: Դուք կարողանու°մ եք ձեր աշխատանքով վճարել տարածքի համար:
— Այո՛, կարողանում եմ: Հաճախորդների պակասություն չունեմ: Շրջակա շենքների բնակիչները և ոչ միայն նրանք իմ հաճախորդներն են: Ինձ մոտ են գալիս նաև կրթահամալիրի իմ ուսուցիչները: Սիրով եմ սպասարկում նրանց:
—Ես` որպես ապագա նկարիչ — դիզայներ նկատեցի, որ Ձեր տարածքը ձևավորման կարիք ունի: Ինչո՞ւ չեք զբաղվում տարածքի դիզայնով։ Գուցե ավելի շատ կլինեն հաճախորդները։
-Ես մտածել եմ այդ մասին: Տարածքը նախատեսված է եղել ատամնաբուժարան լինելու, ոչ թե վարսահարդարման սրահ։ Պարզապես այն նոր է ձեռք բերված, այդ ուղղությամբ դեռ անելիքներ շատ կան:
—Ձեր մասնագիտական գաղտնիքներից մի քանիսը մեզ կվստահե°ք։
-Գիտեք, ես փորձում եմ մասնագիտական գաղտնիքներ չպահել։
— Ի՞նչ եք կարծում, մեր օրերում արժե° վարսահարդարման սրահ բացել։
-Եթե կան հաճախորդներ, բացե՛ք, վնաս չեք կրի։
Հարցազրույցը վարեցին Դիանա Հարությունյանը և Վահե Միրզոյանը, 12-րդ դասարան