—Կներկայանա°ք:
-Սիրով, ես Անուշ Սողոմոնյանն եմ:
—Որքա°ն ժամանակ է, որ աշխատում եք կրթահամալիրում:
-Ես ընդհանրապես այս դպրոցում ծնող եմ, ունեմ 3 տղա։ Միշտ կրթահամալիրում եմ եղել, իսկ հիմա այստեղ եմ որպես խոհարար։ Աշխատում եմ մոտավորապես 22 օր:
—Սիրու°մ եք համեղ պատրաստել:
— Այո, շա՜տ, թե՛ տանը և թե՛ հատկապես դպրոցում, քանի որ բավական մեծ թվով երեխաների հետ գործ ունենք ու նաև ուսուցիչների։ Բնականաբար պահանջը շատ է, ավելի համեղ ենք պատրաստում, համենայն դեպս, այդպես ենք կարծում:
—Ձեր ճաշացանկը դու°ք եք կազմում:
— Ո՛չ, ճաշացանկը գրված բերում են, մենք ուղղակի պատրաստում ենք:
— Կներկայացնե°ք այսօրվա պատրաստելիք ուտելիքը:
— Հավով խավարտ, լոլիկով աղցան և վերմիշելով փլավ:
— Խոհարարական ի°նչ գաղտնիքներ ունեք:
— Օ՜, դրանք շատ են։ Իմպրովիզներ շատ ենք անում։ Դրանք լինում են ակնթարթային։ Խոհանոցում երևի առանց իմպրովիզի չի լինի։ Կարծում եմ` համեղ պատրաստելու համար երբեմն նույնիսկ անհրաժեշտ է։
— Մի հարց ևս։ Մենք տեսնում ենք, որ դուք երկուսով եք աշխատում: Այստե՞ղ էլ են գործում խոհարար և շեֆ խոհարար հասկացությունները։
— Ո՜չ։ Մենք ամեն ինչ անում ենք միասին` փոխադարձաբար օգնելով միմյանց ու նաև սիրով:
— Ձեր պատրաստած ուտելիքի գները դու°ք եք սահմանում, թե՞ նախապես կազմվում է և ներկայացվում ձեզ։
— Չէ, գները կազմվում է կրթահամալիրի հաշվապահության կողմից և տրվում մեզ։ Ուտելիքի վաճառքի գինը կախված է, թե տվյալ մթերքը ինչ գնով է գնվել այդ օրը։
Հարցազրույցը վարեցին Դիանա Հարությունյանը և Վահե Միրզոյանը, 12-րդ դասարան
Արհեստագործ 