Արդեն երկու տարի է, ինչ սովորում եմ կրթահամալիրի Քոլեջում: Ուզում եմ պատմել իմ ընտած մասնագիտության մասին: Ես հագուստի մոդելավորող եմ: Սիրում եմ կարել ու ձևել, մենք մեր դասերի ընթացքում օգտվում ենք կարի մեքենայից, ես արդեն լավ եմ տիրապետում կարի մեքենային: Արդեն շատ գործեր եմ արել: Ինձ համար վերջերս մի կիսաշրջազգեստ եմ կարել թավշյա կտորից:
Աշխատանքի մեծ մասը ինքս եմ արել, իհարկե, ինձ մասամբ օգնել է ավագ քույրս: Ես հիմա սիրով ու հաճույքով եմ հագնում իր կարած կիսաշրջազգեստը: Կարել եմ նաև մի պայուսակ անջրանցիկ կտորից: Պայուսակի վրա ապլիկացիոն աշխատանք եմ արել: Գեղեցիկ է ստացվել, հաճույքով եմ կրում այդ պայուսակը: Մի որոշ ժամանակ առաջ մենք տիրապետեցինք բատիկային: Ես նույնիկ ինձ համար գունավոր շարֆ պատրաստեցի: Հիմա աշխատում ենք ուլունքներով: Արդեն պատրաստել ենք նախշը, հարկավոր է ասեղնագործել ուլունքները: Ես մի հետաքրքիր կոստյում էլ եմ կարել, ավելի ճիշտ՝ ժակեթ: Դա միագույն կտորից կարված հագուստ է` լայն, ծոպավոր թևերով: Ինձ շատ է դուր գալիս, ես սիրում եմ այդպիսի, նորաոճ, էքտրավագանտ հագուստներ: Շատ եմ ուզում խորացված տիրապետել իմ մասնագիտությանը: Ինչքան սովորում եմ, այնքան համոզվում եմ, որ շատ բան կա սովորելու և այնքան շատ եմ սիրում ու նվիրվում իմ մասնագիտությանը: Վստահ եմ, որ կհասնեմ իմ երազանքին ու հաջողություններ կունենամ իմ մասնագիտության ոլորտում:
Աննա Աղամալյան, Քոլեջ, 2-րդ կուրս