Դրացենան սենյակային բույսերի մեջ ամենահայտնիներից մեկն է: Նրան կարելի է հանդիպել գրասենյակներում, և այն հաճույքով աճեցնում ենք նաև տանը: Դրացենան արագ է աճում և իր տերերին հատուկ հոգս չի պատճառում: Արագ աճելը կարծես թե լավ հատկանիշ է, բայց կարող է և դառնալ լուրջ թերություն, երբ մի որոշ ժամանակ անց բույսը վերածվում է երկար ու տերևազուրկ ինչ-որ բանի: Բույսը դադարում է գեղեցիկ արմավենու տեսք ունենալուց, հարց է առաջանում՝ ինչ անել նրա հետ հետագայում:
Իսկ տեսքի բերելու համար երեք ճանապարհ կա: Առաջին՝բույսը դեն նետել կամ տալ մի լավ խնամողի: Երկրորդ՝ փորձենք թելերի, լարերի և այլ միջոցների շնորհիվ թեքել երկարած տերևները, ոլորենք և բույսին անսովոր ու անսպասելի տեսք տանք: Երրորդ միջոցը բույսի տերևները կտրատելն է: Խոստովանում եմ, որ այս միջոցը ինձ ավելի շատ է դուր գալիս:
Եվ իմ դրացենան ես թարմացնում եմ երրորդ ճանապարհով:
Ե՞րբ է ծաղիկներն էտելու ամենահարմար ժամանակը
էտման գործընթացը անհրաժեշտ է իրականացնել գարնանը կամ ամռանը: Այսինքն՝ ակտիվ հյութաշարժման շրջանում: Ձմռանը և աշնանը բույսը կարելի է հանգիստ թողնել: Իհարկե, եթե չկա ծայրահեղ անհրաժեշտություն, օրինակ՝ բույսն ընկել է, և վնասվել են տերևները, կամ բույսի ինչ-որ հատվածներում անսպասելի վարակ է հայտնվել: Ուրեմն բույսի այդ հատվածները անհրաժեշտ է անհապաղ հեռացնել, որպեսզի վարակը բույսի մնացած մասերում չտարածվի: Դե իսկ եթե բույսն ամբողջովին առողջ է, և այն տերևազուրկ է դարձել կամ տերևները երկարել են, ապա էտումը կարելի է անել գարնանը: Սս կարծում եմ, որ այսպես կվարվեմ իմ բույսի հետ:
Այն դեռ բավական նորմալ տեսք ունի, բայց տերևները սկսել են դեղնել: Դա նշանակում է, որ տերևները կթափվեն ու շուտով ցողունը կմերկանա: Դրանք նաև ծռմռվել են, որ հատուկ չէ այս բույսին: Այս բոլոր թերությունները կուղղեմ գարնանը: Կէտեմ դրացենան, որպեսզի նրան ավելի փարթամ ու ամբողջական տեսք տամ: Կտրատելու արդյունքում դրացենան սկսում է տերևակալել, ոչ թե ուղղակի մի ուղղությամբ երկարել:
Աղբյուրը՝ այստեղ:
Թարգմանությունը՝ Քոլեջի 1-2 կուրսի սովորողների
Արհեստագործ 