Ես Մարիամ Վարդանյանն եմ։ Սովորում եմ Քոլեջի 2-րդ կուրսում։ Դեռ անցած տարի, երբ սովորում էի առաջին կուրսում, ընտրեցի «Զարդակիրառական արվեստ» մասնագիտությունը, դրա մեջ մտնում է կավագործություն, գորգագործություն, նկարչություն, բատիկա, այսինքն՝ ձեռարվեստ։ Ձեռարվեստով զբաղվել մանկուց եմ սիրել, նկարել եմ բավականին շատ, մայրիկս փոքր ժամանակվանից մինջև հիմա պահում է իմ բոլոր նկարները, իսկ ես ժամանակ առ ժամանակ նայում եմ դրանք։ Գորգագործություն ես սովորել եմ դեռ դպրոցում՝ տեխնալոգիայի դասերին, և այն շատ եմ սիրել։ Մինչև հիմա պահում եմ իմ փոքրիկ դազգահը և մեկ-մեկ զբաղվում դրանով։ Բատիկայով կյանքումս չեմ զբաղվել, իսկ ա՛յ կավագործությունը, իմ մասնագիտության ամենասիրելի ճյուղն է։ Ճիշտ է, ես դրանով սկսել եմ զբաղվել քոլեջում, բայց հասցրել եմ սիրել և հմտանալ, իսկ մինչ այդ ես կավի փոխարեն կավիճն ու ծեփամածուկն եմ օգտագործել։ Ես շատ եմ սիրում իմ մասնագիտությունը և ապագայում էլ նպատակ ունեմ ձեռարվեստով զբաղվել, ու քանի որ այս մասնագիտությունը շատ հազվադեպ է հանդիպում, կարծում եմ, որ ինձ հաջողողություն է սպասում։ Հիմա ես կարողանում եմ կավով աշխատել և բավականին շատ բան եմ կարողանում սարքել, իսկ մնացած ճյուղերը ինձ մոտ դեռ այդքան զարգացած չեն, ինչքան կավագործությունը։ Կարծում եմ ինձ այդ հարցում դեռ շատ կօգնի իմ շատ սիրելի ուսուցչուհին` ընկեր Թերեզան։
Մարիամ Վարդանյան, Քոլեջ, 2-րդ կուրս
Իմ կավագործական աշխատանքները․
Արհեստագործ 