Ես Մերի Համբարձումյանն եմ, արդեն երկրորդ տարին է, ինչ սովորում եմ «Մխիթար Սեբաստացի» կրթահամալիրի քոլեջում: Ընտրել եմ «Հագուստի մոդելավորում» բաժինը, որովհետև սիրում եմ այս մասնագիտությունը: Ընկեր Թերեզի դասաժամին սովորում ենք էսքիզներ անել, որից ես շատ գոհ եմ և արդեն կարողանում եմ էսքիզներ անել: Ընկեր Մերիի հետ ձևում և կարում ենք մեր նախագծած հագուստները: Արդեն հասցրել եմ կարել իմ առաջին նախագծած հագուստը:
Միշտ երազել եմ դառնալ հայտնի մոդելավորող: Գիտեմ, որ դեռ բազմաթիվ փորձություններ են ինձ սպասվում, բայց եթե մարդ ցանկություն է ունենում տվյալ բարձունքին հասնելու, համոզված եմ, որ այն մի օր իրականություն է դառնում: Նաև նպատակ ունեմ ստեղծել իմ բրենդը՝ իմ իսկ անունով: Կարծում եմ Հայաստանն էլ պետք է ունենա մի բրենդ, որպեսզի այն տարածվի ողջ աշխարհում: Չնայած որ դեռ շատ շուտ է դրա մասին խոսելը, բայց դա իմ երազանքներից մեկն է: Շատ ուրախ եմ և ոգևորված այս մասնագիտությամբ: Հուսով եմ, որ իմ նպատակասլացությամբ կհասնեմ իմ երազանքներին:
Դիտեք նաև իմ պատրաստած տեսանյութը։
Պատումը՝ Մերի Համբարձումյանի, Քոլեջ, 2-րդ կուրս
Արհեստագործ 